دوبارہ گلبرگہ شریف
دوسری بار حضرت گلبرگہ تشریف لائے تو خواجہ بندہ نواز گیسو دراز رحمتہ اللہ علیہ سرزمین گلبرگہ پر اقامت فرما چکے تھے اور اسی جگہ اپنی خانقاہ بنوائی تھی جہاں حضرت نے پہلی بار قیام فرمایا تھا، حضرت غوث العالم نے انھیں کی خانقاہ میں قیام فرمایا۔ دونوں بزرگ ایک دوسرے سے بڑے تپاک سے ملے، بندہ نوازنے حضرت کی بڑی خاطر و تواضع فرمائی، حضرت ان کے اس خلوص ومحبت سے بے پناہ متاثر ہوئے۔ اور چار مہینے وہاں قیام فرمایا۔ ایک دن حضرت شیخ نظام یمنی، نورالعین اور کچھ دوسرے لوگ سیروتفریح کے خیال سے خانقاہ سے باہر نکلے اور ایک باغ میں پہونچے وہاں دیکھا کہ چند نوجوان فسق وفجور میں مبتلاہیں۔ ناچ و گانے کی محفل سجی ہوئی ہے، سامنے شراب و کباب رکھا ہے، دور پر دورچل رہا ہے۔ ادھر یہ حضرات ذکرِ جہر کرتے ہوئے باغ میں داخل ہوئے، وہ سب عیاش نوجوان دم بخود ہو گئے اور انکے دلوں پرایساخوف الٰہی طاری ہوا کہ اسی وقت توبہ کر کے آہ وزاری عجزوانکساری کرنے لگے، یہ لوگ اُن کو حضرت غوث العالم کی خدمت میں لائے۔حضرت نے ان کے حال پر توجہ فرمائی اورمریدکر لیا اور سب عبادت الٰہی میں مصروف ہو گئے۔ اور فیضیاب ہوکر اپنے گھروں کو واپس ہوئے۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972